Share Twitt Share

“Залуучууд коронавирусийн эсрэг нэгдэж байна” онлайн тоглолт болно

Коронавирус буюу COVID-19-ийн халдар дэлхий нийтэд тархаад байгаа энэ үед Монгол Улсын Засгийн газраас тодорхой арга хэмжээ авч, цэцэрлэг, ерөнхий боловсролын сургууль болон их дээд сургуулийн үйл ажиллагааг түр хугацаагаар хаасан. Үүнтэй холбогдуулан цэцэрлэг, суруулийн сурагчдаас гадна оюутан залуус хөл хорионд орж, гэртээ байгаа.

Иргэн бүр хариуцлагатай байх энэ цаг үед Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас, улс даяар “Залуучууд коронавирусийн эсрэг нэгдэж байна” аяныг өрнүүлж, халдварт өвчний үед ажиллах сайн дурын ажилтнуудыг Монгол Улсын өнцөг булан бүрт бэлтгэхээс гадна Залуучуудын хөгжлийн төвд маск хандивлах аяныг зохион байгуулж буй.

Тэгвэл “Залуучууд коронавирусийн эсрэг нэгдэж байна” аянд “Нар сар” студийн дэргэдэх “DRUM STICK” хамтлагийн залуус нэгдэж, ТВ-5 телевизээр амьд хөгжмийн тоглолт зохион байгуулахаар боллоо.

Тоглолт энэ сарын 18-ны 16.00-18:00 цагт ТВ5 телевизийн “Студи-400”-гаас  орон даяар цацагдах бөгөөд тоглолтын үеэр Гэр бүл, хүүхэд, залуучуудын хөгжлийн газраас энэ онцгой цаг үед Монгол Улсын нийт гэр бүл, хүүхэд, залуус руу хандсан ямар үйл ажиллагаа зохион байгуулж буй талаар зарим мэдээллийг өгнө. Мөн энэхүү МУЗН-ийн Хүүхэд залуучуудын хөдөлгөөний үндэсний зохицуулагч С.Намсрайжав, жүжигчин Э.Ууганбаяр нар гамшиг онцгой байдлын үед сайн дурын ажилтан залуусын талаар мэдээлэл өгөх бол Төв аймаг, Сонгинохайрхан дүүргийн Залуучуудын хөгжлийн төвийн ажилтнууд, холбогдох бусад албаныхан ч залуус руу чиглэсэн ямар ажил хийж байгаа талаар мэдээлэл өгнө.

Ташрамд мэдээлэхэд энэхүү тоглолтын санаачлагчаар “Нар сар” студи, хамтран зохион байгуулагчаар Гэр бүл хүүхэд залуучуудын хөгжлийн газар, дэмжигч байгууллагаар “Даадаа групп” ХХК, мэдээллийн ивээн тэтгэгчээр ТВ-5 телевиз тус тус оролцож байгаа юм.  

 “Нар сар” студийн дэргэдэх Drum stick хамтлагийн “Залуучууд коронавирусийн эсрэг нэгдэж байна” тоглолтын уриалга

  • Коронавирустэй тэмцэхэд залуу хүн, байгууллага бүр нэг санаачилга гаргая!
  • Гадуур сэлгүүцэхгүй, бөөнөөр цуглахгүй, гэртээ байя!
  • Хүүхдүүддээ, дүү нартаа өдөр бүр үлгэр ярьж өгье!
  • Залуучуудын хөгжлийн төвөөс зохион байгуулж буй онлайн сургалтад /гитар, морин хуур, бүжиг, программ/ идэвхтэй хамрагдъя!
  • Залуучуудын хөгжлийн төвд маск хандивлъя!
  • Хөгжилтэй тик ток чэлэнж эхлүүлье!
  • Дэлгүүр, банк бусад үйлчилгээний газраар үйлчлүүлэхдээ аль болох бэлэн мөнгөнөөс татгалзаж, төлбөрийн картаар үйлчлүүлье!
  • Дэлгүүр, банк бусад үйлчилгээний газраар үйлчлүүлэхдээ зай барья!
  • Коронавирустэй холбоотой батлагдаагүй, эх үүсвэр тодорхойгүй мэдээлэл тараахгүй байя!
  • Гараа угааж, маскаа зүүе!
  • Дархлаагаа дэмжин зөв хооллоё!
  • Аж ахуй нэгж, байгууллагууд нийгмийн хариуцлагаа биелүүлж, ажилтан, албан хаагчдынхаа эрүүл мэндэд онцгой анхаарч, ариутгал, халдваргүйжүүлэлтийн дэглэмийг сайтар сахин, хувийн хамгаалах хэрэгслээр хангахад анхаарал хандуулна уу!
  • Ахуйн архидалтыг таслан зогсооё!
  • Хөршийн холбоо, СӨХ-ийн зүгээс тавих хараа хяналтыг сайжруулъя!

Бидний уриалгыг дэмжих байвал яг одоо ГБХЗХГ-ын фэйсбүүк хуудас дахь “Залуучууд коронавирусийн эсрэг нэгдэж байна” фрэймээр өөрийн фэйсбүүкийн хүрээгээ сольцгооё!

 

 

Хүүхдийн хөгжил, хамгааллын газар

ГБХЗХГ НОСК-тай хамтран асрамжийн газраас амьдралд хөл тавьж буй залуучуудыг орон сууцтай болгох санамж бичигт гарын үсэг зурлаа2020-07-30 13:55Дэлгэрэнгүй унших
ГБХЗХГ-ын дарга “Эх орон надаас эхэлнэ” сэдэвт уралдаанд хүүхэд, багачуудыг идэвхитэй оролцуулах чиглэлийг өглөө2020-07-28 22:10Дэлгэрэнгүй унших
ГБХЗХГ:Үндэсний их баяр наадмын хурдан морь унаач хүүхдийн аюулгүй байдлыг бүрэн хангаж ажиллав2020-07-23 17:22Дэлгэрэнгүй унших
Ламхай хүүхдүүд өнөөдөр гэртээ харьлаа2020-07-17 18:01Дэлгэрэнгүй унших
Хүй 7 худагт хурдан морины салбар комисс хуралдаж уралдааныг 14.00 цаг хүртэл хойшлууллаа2020-07-10 10:47Дэлгэрэнгүй унших
КОРОНАВИРУСТ ХАЛДВАР (КОВИД-19)-ЫН ЦАР ТАХЛЫН ҮЕД ХҮҮХДИЙН ЗУСЛАН АЖИЛЛУУЛАХ ТҮР ЖУРАМ БАТЛАГДЛАА2020-07-08 14:05Дэлгэрэнгүй унших
ЧАТБОКС ҮЙЛЧИЛГЭЭНД 258 ХҮҮХЭД ХОЛБОГДОЖ НИЙГЭМ СЭТГЭЛЗҮЙН БОЛОН ХҮҮХЭД ХАМГААЛЛЫН ҮЙЛЧИЛГЭЭ АВЧЭЭ2020-07-08 11:23Дэлгэрэнгүй унших
ҮНДЭСНИЙ МОРИН УРАЛДААНЫ УРАЛДААНЧ ХҮҮХДИЙН ХАМГААЛАЛТЫН ХУВЦАС, МОРИНЫ ХЭРЭГСЭЛД ТАВИГДАХ ШААРДЛАГА MNS 6264 20182020-07-07 12:12Дэлгэрэнгүй унших
ҮНДЭСНИЙ ИХ БАЯР НААДМЫН ХУРДАН МОРИНЫ УРАЛДААНЧ ХҮҮХДИЙН БҮРТГЭЛ ЯВАГДАЖ БАЙНА2020-07-07 11:21Дэлгэрэнгүй унших
Б.Халиун: Гарааны хяналт, морины үүлдэрлэг байдлыг шалгах, шүдлэх үед хүүхэд амны хаалт зүүнэ2020-07-06 11:50Дэлгэрэнгүй унших