Мэдээ

ХҮҮХЭД ХАМГААЛЛЫН ДААТГАЛЫН ҮЙЛЧИЛГЭЭНД ЭРСДЭЛТ НӨХЦӨЛД АМЬДАРЧ БАЙГАА 7000-9000 ХҮҮХДИЙГ ТӨРӨӨС ДААТГАНА

ХҮҮХДИЙН ХӨГЖИЛ, ХАМГААЛЛЫН ЖИЛИЙН 2019-2020 ОНЫ ҮЙЛ АЖИЛЛАГААНЫ ТӨЛӨВЛӨГӨӨНД САНАЛ АВЧ БАЙНА

2019-07-02 02:21:53

Хүүхдийн-хөгжил-хамгааллын-жилийн-ажлын-төлөвлөгөө-2019-2020-он-converted.pdf

ЭМГЭНЭЛ

2019-06-20 07:45:56

 Д.Сүхбаатарын нэрэмжит Монголын Пионерийн Байгууллагын Төв Зөвлөлийн ахмад дарга, Сүхбаатарын одонт Даваагийн Дашдовдон 86 насандаа таалал боллоо. Д.Дашдовдон нь Монгол Улсын Их сургуулийг онцсайн дүнтэй төгсөж, багшийн мэргэжил эзэмшин, МХЗЭ, МПБ-ын төв байгууллагад ажлын гараагаа эхэлснээс хойш, нэгэн жарны туршид хүүхэд, залуучууд, боловсрол, спорт, дипломатын байгууллагад хөдөлмөр, зүтгэл, хичээл, бүтээлээ зориулан, хойч үеэ сурган хүмүүжүүлэх, хөгжүүлэн боловсруулах ариун үйл хэрэгт үнэтэй хувь нэмэр оруулсан эрхэм хүндэт, манлай удирдагч байв.

Д.Дашдовдон нь БНМАУ-ын АИХ-ын депутат, МХЗЭ-ийн Төв хорооны хоёрдугаар нарийн бичгийн дарга, БНМАУ-ын Хүүхдийн Төлөө Фондын Төв Комиссын нэгдүгээр орлогч дарга зэрэг өндөр хариуцлагатай алба хашиж байхдаа Олон улсын Хүүхдийн Найрамдал төв, Монголын Хүүхдийн ордон, олон арван хүүхдийн цэцэрлэг зэрэг томоохон барилга байгууламж удирдаж байгуулсан нь өнөөдрийг хүртэл Монголын хүүхэд багачуудын сайн сайхны төлөө, үр дүнтэй ажилласаар байна.

Монголын нийгмийн идэвхтэй иргэд, эх орныхоо сайн сайхны төлөө бүтээлч хөдөлмөрлөдөг шилдэг боловсон хүчнийг бэлдэхэд бүтээсэн үлгэр дуурайл, гавьяат үйлс Тань Монголын хүүхэд, залуучуудын байгууллагын түүхэнд мөнх үлдэх болно.

 

Засгийн газрын хэрэгжүүлэгч агентлаг-

Гэр бүл, хүүхэд, залуучуудын хөгжлийн газар

2019.06.18

 

МАРГААШ “БИ НАР” ГЭР БҮЛИЙН УРАН САЙХНЫ КИНОГ ОРОН ДАЯАР ГАРГАНА

2019-05-31 09:17:33

Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын санаачилгаар бүтээсэн “БИ НАР” гэр бүлийн бүрэн хэмжээний уран сайхны киног “Олон Улсын Хүүхдийн эрхийг хамгаалах өдөр”-ийг тохиолдуулан Юнивишн, Скаймедиа, Ддэш тв болон өргөн сувгийн кабелийн телевизүүдээр дамжуулан орон даяар үнэ төлбөргүй хүүхэд багачуудад бэлэг болгон хүргэхээр боллоо.

Энэхүү киноны найруулагчаар Ж.Сэнгэдорж ажилласан бөгөөд 1990 оноос хойш Монголын нийгэмд болж өрнөсөн үйл явдлууд, техник технологийн хөгжил ялангуяа цахим орчин, компьютер тоглоомын хор хөнөөл бидний хойч үе хүүхэд багачуудад хэрхэн нөлөөлж байгаа, гэр бүл, хүн хоорондын харилцааны мөн чанар, үнэ цэнийг хүмүүст сануулахыг зорьжээ.

Хайртай гэр бүл, хөөрхөн хүүхдүүдтэйгээ киногоо хүлээн авч үзээрэй.

Ингээд “БИ НАР” киноны хуваарийн мэдээллийг хүргэе.

06-р сарын 01-ний өдөр гарах хуваарь

1 МҮОНРТ 21:10
2 UBS телевиз 14:00
3 Etv телевиз 11:00
4 Эх орон телевиз 08:30
5 С1 телевиз 13:30
6 ТМ телевиз 11:40
7 TV8 телевиз 21:25
8 Mass tv 6-р сарын 3-нд

ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙН БАЯРЫН МЭНД ХҮРГЭЕ.

ГЭР БҮЛ, ХҮҮХЭД,ЗАЛУУЧУУДЫН ХӨГЖЛИЙН ГАЗАР

ХҮҮХДЭЭ СОНСОХ ӨДӨР ЭНЭ САРЫН 29-НИЙ ӨДӨР ТОХИОНО

2019-05-29 03:33:34

Нийслэлийн хэвлэл мэдээллийн төвд Олон улсын хүүхдийн эрхийг хамгаалах өдрийн нэгдсэн арга хэмжээний тухай болон “ХҮҮХДЭЭ СОНСОХ ӨДӨР”-өөр “Хүүхэд бидний аюулгүй орчин” сэдэвт хэлэлцүүлэг зохион байгуулах талаар нийслэлийн Гэр бүл, хүүхэд, залуучуудын хөгжлийн газар, нийслэлийн Соёл урлагийн газрын удирдлагууд, НМХГ, НОБГ, НЭМГ, НЦГ, ТЦА, Нийслэлийн Хүүхдийн холбооны төлөөллүүд мэдээлэл хийлээ.

Хүүхдийн сайн сайхны төлөө дэлхийн чуулга уулзалт 1925 онд Швейцарийн Женев хотноо болж, жил бүрийн 06-р сарын 01-нийг дэлхий нийтээрээ “Хүүхдийн эрхийг хамгаалах өдөр” болгох уриалга гаргасан. Улмаар 1951 онд Олон улсын ардчилсан эмэгтэйчүүдийн холбооноос хүүхдийн эрхийг хамгаалах өдрийг улс орон бүр тэмдэглэж, хүүхэд багачуудаа баярлуулж байхаар шийдвэрлэсэн бөгөөд Монгол Улс 1952 оноос “Хүүхдийн баяр”-ыг тэмдэглэж ирсэн түүхтэй. 

Энэ жил манай улс "Олон улсын хүүхдийн эрхийг хамгаалах өдөр"-ийг 67 дахь жилдээ тэмдэглэн өнгөрүүлэх гэж байгаа бөгөөд 06-р сарын 01-ний өдрийг угтаж  олон үйл ажиллагаанууд зохион байгуулагдах юм.

Нийслэлийн Гэр бүл, хүүхэд, залуучуудын хөгжлийн газрын даргын үүргийг түр орлон гүйцэтгэгч Н.Мандуул:

Олон улсын хүүхдийн эрхийг хамгаалах өдрийг угтаж, олон арга хэмжээ зохион байгуулахаар төлөвлөж байна. Тухайлбал хүүхдийн оролцох эрхийг хангах, хүүхэд өөрийн эрх ашигт нөлөөлж байгаа аливаа асуудлаар шийдвэр гаргах үйл явцад сайн дурын үндсэн дээр оролцох бололцоог бий болгохын тулд Нийслэлийн Хүүхдийн төлөө зөвлөлийн 2017 оны 05 дугаар сарын 30-ны өдрийн 03 тоот тогтоолоор жил бүрийн 05 дугаар сарын сүүлийн 7 хоногийн Лхагва гарагийг нийслэлийн “Хүүхдээ сонсох өдөр” болгон тэмдэглэж байхаар шийдвэрлэсэн. Энэ жил нийслэлийн “ХҮҮХДЭЭ СОНСОХ ӨДӨР”-өөр “Хүүхэд бидний аюулгүй орчин” сэдэвт хэлэлцүүлэг болно.

Энэхүү арга хэмжээг угтан нийслэлийн 9 дүүрэгт хүүхдийн чуулган зохион байгуулсан бөгөөд чуулганаар дэвшүүлсэн саналуудыг шийдвэр гаргагчдад хүргэх, хүүхдүүд эвлэлдэн нэгдэж, үзэл бодлоо чөлөөтэй илэрхийлэх, өөрийн эрх ашигт нөлөөлж байгаа аливаа асуудлаар эцэг эх, шийдвэр гаргах түвшний хүмүүст дуу хоолойгоо хүргэх зорилготой юм.

Мөн хамгааллын үйлчилгээ болон зорилтот бүлгийн хүүхэд, эрсдэлт нөхцөлд байгаа, сургалт хүмүүжлийн тусгай байгууллагад хүмүүжиж буй хүүхдүүдэд бэлэг гардуулах арга хэмжээ, хүүхэд хамгаалал, аюулгүй байдал, болзошгүй эрсдэлээс урьдчилан сэргийлэх асуудлаар Нийслэлийн Засаг даргын тэргүүлдэг Нийслэлийн Хүүхдийн төлөө зөвлөлийг хуралдуулах, хүүхдийн эрх, хүүхэд хамгааллын тухай хууль тогтоомж, бодлого хөтөлбөрийн хэрэгжилт, хүүхдийн, оролцоо болон эерэг мэдээ мэдээллийг түгээх “ХАЙРЫН ГАР” богино хэмжээний видео сурталчилгааны бүтээл шалгаруулах уралдаан зарлах зэрэг олон үйл ажиллагааг зохион байгуулна.

Энэ жилийг “Хариуцлагатай аав, ээж”  буюу эцэг, эхийн үүрэг хариуцлагыг нэмэгдүүлэх жил болгон зарлаж бодлого, үйл ажиллагаагаа чиглүүлэн ажиллаж байна.

Эцэг, эхчүүд үүрэг хариуцлагаа сайжруулсан цагт хүүхдийн хөгжил, хамгааллын асуудалд дорвитой өөрчлөлт гарах юм.  Бид бүгд хүүхдийн баяраар хүүхдүүдээ баярлуулахаар бэлэг авч өгдөг. Та бүхний авч өгч байгаа бэлэг хүүхдийн эрүүл мэндэд сөрөг нөлөөгүй, хор биш хоол болох, хүүхдийн хөгжлийг дэмжсэн бүтээгдэхүүнүүдтэй байгаасай хэмээн уриалж байна.

 

 

Олон улсын хүүхдийн эрхийг хамгаалах өдрийг угтан зохион байгуулах ажлууд:

 

Хугацаа

Үйл ажиллагаа

Хэзээ

Тайлбар

Холбогдох дугаар

Олон улсын хүүхдийн эрхийг хамгаалах өдрийг угтан зохион байгуулах үйл ажиллагаа

1

2019.05.29

Хүүхдээ сонсох өдрийн хэлэлцүүлэг

12:30-14:30

“Пума империал” зочид буудлын хурлын танхимд Нийслэлийн иргэдийн Төлөөлөгчдийн Хурлын 45 төлөөлөгч, Нийслэлийн Засаг даргын орлогч нар, Дүүргүүдийн Засаг даргын орлогч нар, Нийслэл дүүргийн Гэр бүл, хүүхэд, залуучуудын хөгжлийн газар хэлтсийн удирдлагууд болон холбогдох албаны удирдлагууд, Нийслэлийн хүүхдийн 9 элч, эцэг эхийн төлөөлөл, 45 хүүхдийн төлөөлөл оролцох бөгөөд хүүхдийн өмнө тулгамдаж буй асуудлаар тэдний дуу хоолойг сонсож, тодорхой шийдвэрүүдийг гаргана

99736124

2

2019.05.30

Нийслэлийн Хүүхдийн төлөө зөвлөлийн хурал

11:00-13:00

Нийслэлийн Засаг даргын тэргүүлдэг Нийслэлийн хүүхдийн төлөө зөвлөлийн хурал Хангарди ордны 14 давхрын хурлын танхимд зохион байгуулагдаж, Хүүхдийн эрүүл мэнд, хамгаалал, хүүхдийн аюулгүй байдал, болзошгүй эрсдэлээс урьдчилан сэргийлэхэд хэрхэн ажиллаж байгаа талаар мэргэжлийн байгууллагуудын мэдээллийг сонсож, цаашид хэрэгжүүлэх ажлуудад зөвлөмж чиглэл хүргүүлнэ.

99736124

3

2019 оны 05 сарын 29-31

Зорилтод бүлгийн хүүхдүүдийг баярлуулах арга хэмжээ

-

Хамгааллын үйлчилгээ болон зорилтот бүлгийн хүүхэд, эрсдэлт нөхцөлд байгаа хүүхэд, сургалт хүмүүжлийн тусгай байгууллагад хүмүүжиж буй хүүхдүүдэд бэлэг гардуулах арга хэмжээ зохион байгуулна

99736124

Олон улсын хүүхдийн эрхийг хамгаалах өдрөөр зохион байгуулах үйл ажиллагаа

НИЙСЛЭЛИЙН ЗАСАГ ДАРГЫН ТАМГЫН ГАЗАР

06-р сарын 01-нд 11:00-17:00 цагийн хооронд “МОНГОЛ ХҮҮХДҮҮД” баярын арга хэмжээг Д.Сүхбаатарын талбайд зохион байгуулна.

 

“ГЭР БҮЛ, ХҮҮХДЭД ЭЭЛТЭЙ ЭРХ ЗҮЙН ОРЧНЫГ БҮРДҮҮЛЬЕ" ЗӨВЛӨГӨӨН БОЛЛОО

2019-05-22 10:50:29

УИХ-ын дарга Г.Занданшатарын ивээл дор “Гэр бүл, хүүхдэд ээлтэй эрх зүйн орчныг бүрдүүлье” үндэсний зөвлөгөөнийг өнөөдөр  /2019.05.22/  Төрийн ордны Их танхимд зохион байгууллаа. Уг зөвлөгөөнийг УИХ-ын Нийгмийн бодлого, боловсрол, соёл, шинжлэх ухааны байнгын хороо, Хөдөлмөр, нийгмийн хамгааллын яам, Гэр бүл, хүүхэд, залуучуудын хөгжлийн газар хамтран зохион байгуулсан бөгөөд гэр бүл, хүүхдэд ээлтэй орчныг бүрдүүлэх, түүний хэрэгжилтийг хангахад бүх шатны төрийн байгууллагуудын уялдаа холбоо, үүрэг оролцоог дээшлүүлэх, ажиллах нөхцөлийг сайжруулах зорилготой юм.
дэлгэрэнгүй . .

“ХҮҮХДЭД ЗОРИУЛАВ-2019” ҮЗЭСГЭЛЭН ХУДАЛДААГ ЗОХИОН БАЙГУУЛНА

2019-05-17 07:34:33

Монгол Улсын хүн ам 2018 оны байдлаар 3.2 саяд хүрсэн. Хүн амын 40 орчим хувийг 0-18 насны хүүхэд эзэлж байна. Монголчууд цаг хугацааны хувьд эртний үндэстэн боловч хүн амын гуравны нэгээс илүү хувийг хүүхэд эзэлж байгаа тул насны хувьд залуу үндэстэн билээ.дэлгэрэнгүй . .

“ГЭР БҮЛИЙН ҮНЭ ЦЭНЭ“ зөвлөгөөн боллоо

2019-05-14 07:21:56

Нийгмийн тогтолцооны хамгийн чухал хэсэг болсон гэр бүлийг тойрсон салалт, архидалт, гэр бүлийн хүчирхийлэл гэсэн асуудлууд ихсэж үүнээс улбаалан хүүхдийн энэхүү язгуур эрхийг зөрчих явдал ихсэх хандлагатай болсон.

Тиймээс  МУ-ын Ерөнхийлөгчийн Тамгын газар, Хөдөлмөр, нийгмийн хамгааллын яамны санаачлагаар Монгол улсад гэмт хэргээс урьдчилан сэргийлэх ажлыг зохицуулах зөвлөлийн ажлын алба, Гэр бүл, хүүхэд, залуучуудын хөгжлийн газар, Цагдаагийн ерөнхий газар, Нэгдсэн үндэсний байгууллагын хүүхдийн сан, Дэлхийн Зөн Монгол ОУБ хамтран “ЗӨВ ТУСГАЛ” нэг сарын хөдөлгөөнийг эхлүүлээд байгаа билээ.

Хүүхдийн эрхийг хамгаалах, аливаа эрсдэлээс сэргийлэх, хүүхдээ эерэг аргаар хүмүүжүүлэх ёс суртахууныг гэр бүлд нь төлөвшүүлэхэд олон нийтийг соён гэгээрүүлэх, эцэг эхийн үүрэг оролцоог нэмэгдүүлэх, хүүхдийн хүмүүжил төлөвшилд сөргөөр нөлөөлж буй шалтгаан нөхцөлийг арилгах зорилготой улс даяар өрнөж буй энэхүү хөдөлгөөний хүрээнд өнөөдөр  "ОЛОН УЛСЫН ГЭР БҮЛИЙН ӨДӨР"-ийг тохиолдуулан "ГЭР БҮЛИЙН ҮНЭ ЦЭНЭ" зөвлөгөөнийг зохион байгууллаа.

Уг зөвлөгөөнийг нээж Монгол Улсын Ерөнхийлөгч Х.Баттулга үг хэлсэн бол Дэлхийн зөн Монгол ОУБ-ын суурин төлөөлөгч Филипп Ийвэрт, ХНХ-ийн сайд С.Чинзориг нар үг хэлж, цагдаа, эцэг эх, хүүхдийн төлөөллүүд гэр бүлийн өмнө тулгарч байгаа асуудлуудын талаар илтгэл тавьсан юм. 

Зөвлөгөөнийг нээж Ерөнхийлөгч Х.Баттулга үг хэлэв. 

Зөвлөгөөнд оролцогчид, зочид Та бүхний өглөөний амгаланг айлтгая.

Нийгмийн суурь, үндэстний уг сурвалж болсон гэр бүл, түүнийг тойрсон тулгамдсан асуудлын талаар зөвлөлдөн хэлэлцэж, санал шийдлээ ярьж байгаад талархаж  байна.

Айл гэрийн амьдрал бүрэн бүтэн, төвшин байвал хүүхдүүд жаргалтай, эцэг эхчүүд баяртай, улс амгалан, төр төвшин байх учиртай. Харамсалтай нь гэр бүл бүрд амар амгалан оршихгүй байна. Гэр бүл дэх хүчирхийллийн улмаас мянга мянган хүүхэд нүдэндээ доголон нулимстай, сэтгэлдээ дүүрэн гунигтай гундуухан явна.

Сүүлийн гурван жилийн байдлаар гэхэд 3000 гаруй хүүхэд гэмт хэрэг үйлдэж, 5000 гаруй хүүхэд гэмт хэрэгт өртөж, хохирсон байна. Хүүхдүүд ихэвчлэн зодоон, танхай, хулгай, залилан, дээрэм зэрэг гэмт хэргийг үйлдэх буюу хохирогч болж байгаагийн дийлэнх нь 16-18 насных байна.

Цагдаагийн байгууллага хүүхдийн эсрэг гэмт хэргээс урьдчилан сэргийлэх, бууруулах чиглэлээр олон ажил, арга хэмжээг тогтмол зохион байгуулж байгаа ч хангалттай нь үр дүнд хүрэхгүй, хүч дутаж байгаа байдал анзаарагддаг. Энд төрийн болон төрийн бус байгууллагуудын хамтын ажиллагаа дутагдалтай байна.

 “ЗӨВ ТУСГАЛ” хөдөлгөөнийг сарын хугацаатайгаар улсын хэмжээнд эхлүүлж байгааг надад мөн илтгэсэн. Хүүхдийн эрхийг хамгаалах, аливаа эрсдэлээс сэргийлэх, эерэг аргаар хүмүүжүүлэх, зөв ёс суртахууныг гэр бүлд нь төлөвшүүлэх, гэр бүлийн боловсрол олгоход олон нийтийг соён гэгээрүүлэх, эцэг эхийн үүрэг оролцоог нэмэгдүүлэх, хүүхдийн хүмүүжил төлөвшилд сөргөөр нөлөөлж байгаа шалтгаан нөхцөлийг арилгах зорилго агуулсан хөдөлгөөн зохион байгуулагдаж байгаа юм байна. Монгол Улсад Гэмт хэргээс урьдчилан сэргийлэх ажлыг зохицуулах зөвлөл, Гэр бүл, хүүхэд, залуучуудын хөгжлийн газар, НҮБ-ын Хүүхдийн сан, “Дэлхийн зөн” олон улсын байгууллага хамтран ажиллаж байгаагийн нэг илрэл нь“ЗӨВ ТУСГАЛ” хөдөлгөөн бөгөөд иргэн бүрийг дэмжиж, хамтран ажиллахыг уриалж байна.

Гэр бүл, хүүхдийг гэмт хэргээс ангид байлгахад иргэн бүрийн оролцоо маш чухал. Учир нь цагдаа, төрийн болон төрийн бус байгууллагын ажилтнуудаас хүүхдэд илүү ойр, илүү шуурхай, илүү дотно, илүү сэрэмжтэй байж чадах нь иргэд гэдгийг цохон тэмдэглэе. Иргэн бүр дэргэдээ байгаа, ойр орчимдоо байгаа хүүхдүүдийн аюулгүй байдлыг анзаарч эрсдэлээс сэргийлж чадвал гэр бүл, хүүхэдтэй холбоотой гэмт хэргийн гаралтыг эрс бууруулж чадна.

“Гэр бүлийн үнэ цэн” зөвлөгөөний үйл ажиллагаанд амжилт хүсье.” гэлээ.

Тус зөвлөгөөн нь хүүхдийн эрхийг хамгаалах, аливаа эрсдэлээс сэргийлэх, эерэг аргаар хүмүүжүүлэх, ёс суртахууныг гэр бүлд төлөвшүүлэх, гэр бүлийн боловсрол олгох чиглэлээр олон нийтийг соён гэгээрүүлэх, эцэг эхийн үүрэг оролцоог нэмэгдүүлэх, хүүхдийн хүмүүжил төлөвшилд сөргөөр нөлөөлж байгаа шалтгаан нөхцөлийг арилгахад чиглэж байна  гэдгийг зохион байгуулагчид онцоллоо.

Тус зөвлөгөөнд нийслэлийн 6 дүүргийн 700 гаруй иргэн мөн бусад албаны хүмүүс оролцлоо.

 ШУУД ҮЗЭХ:

https://www.youtube.com/watch?time_continue=2&v=Oe8GsvCfH3M

 

“ИРЭЭДИЙН ЭЗЭД-2019” МЭРГЭЖИЛ СОНГОЛТЫН АЯНЫ ҮЗЭСГЭЛЭН ЯАРМАГ БОЛЛОО

2019-05-10 06:48:10

Засгийн газрын хэрэгжүүлэгч агентлаг Гэр бүл, Хүүхэд, Залуучуудын хөгжлийн газраас хэрэгжүүлж буй “Ирээдийн эзэд-2019” Мэргэжил сонголтын аяны хүрээнд өсвөр насны хүүхдүүдэд ирээдүйд эзэмших мэргэжлээ зөв сонгохтой холбоотой мэдээлэл өгөх, нарийн мэргэжлийг сурталчлан таниулах зорилгоор “Мэргэжил сонголтын үзэсгэлэн яармаг”-ыг Сонгинохайрхан дүүргийн ГБХЗХХэлтэс болон Боловсролын хэлтэс хамтран 2019 оны 05 сарын 09-ний өдөр “Чингис Соосэ” их сургуулийн дэргэдэх ”Их Засаг” МСҮТ-д амжилттай зохион байгууллаа.дэлгэрэнгүй . .

МОНГОЛД ХҮҮХДИЙН ХӨДӨЛГӨӨН, БАЙГУУЛЛАГА ҮҮСЧ ХӨГЖСӨНИЙ 94 ЖИЛИЙН ОЙ ТОХИОЖ БУЙ ЭНЭ ӨДӨР ИХ ЗОХИОЛЧ Д.НАЦАГДОРЖИЙН ХӨШӨӨНД ЦЭЦЭГ ӨРГӨН ХҮНДЭТГЭЛ ҮЗҮҮЛЛЭЭ

2019-05-08 08:30:17

Бүхий олон багачуудаа
Бүрхсэн улаан цэцэрлэгтээ
Бүгдийг шинээр үүсгэсэн
Бүжиг наадмаараа наадацгаая, бэлхэн ээ...” хэмээн улаан бүч, улаан тууз зүүсэн эмээ, өвөө, охид, хөвгүүд эгшиглүүлэн дуулна.

Ийн Монгол Улсад Хүүхдийн хөдөлгөөн, байгууллага үүсэж хөгжсөний 94 жилийн ой 5 дугаар сарын 08 өдөр буюу өнөөдөр тохиож байна. Энэхүү өдөр хүүхдийн байгууллагыг үндэслэгч, их зохиолч Д.Нацагдоржийн хөшөөнд хүндэтгэлийн цэцэг өргөх ёслолын үйл ажиллагаа боллоо.дэлгэрэнгүй . .

Монголын залуучуудын сайн дурын ажлыг бүртгэж, баталгаажуулах журам батлагдлаа

2019-05-08 03:15:03

УИХ-аар 2017 онд батлагдаж, 2018 оноос хүчин төгөлдөр мөрдөгдөж буй Залуучуудын хөгжлийг дэмжих тухай хуулийг хэрэгжүүлэх хүрээнд Залуучуудын хөгжлийн үндэсний хөтөлбөр, хөтөлбөрийг хэрэгжүүлэх арга хэмжээний төлөвлөгөөг боловсруулсныг хэлэлцэж баталлаа.

https://www.legalinfo.mn/annex/details/9703?lawid=14312&fbclid=IwAR29Onin-qCN30dC1iR3-jAMv47VhCHFZCDfz-zXXxYX8uvlo5eZEV2eUsA

“ХҮҮХДЭД ЭЭЛТЭЙ СЭТГҮҮЛЧ“ зөвлөгөөн боллоо

2019-05-07 08:55:33

Гэр бүл, хүүхэд залуучуудын хөгжлийн газар, Монгол улсад гэмт хэргээс урьдчилан сэргийлэх ажлыг зохицуулах зөвлөлийн ажлын алба, Цагдаагийн ерөнхий газар, НҮБ-ын Хүүхдийн сан, Дэлхийн Зөн Монгол ОУБ хамтран "ХҮҮХДЭД ЭЭЛТЭЙ СЭТГҮҮЛЧ" зөвлөгөөнийг өнөөдөр /2019.05.07/ зохион байгууллаа.

дэлгэрэнгүй . .

“ИРЭЭДҮЙ ЭЗЭД” МЭРГЭЖИЛ СОНГОЛТЫН АЯН ҮРГЭЛЖИЛЖ БАЙНА

2019-05-06 05:43:30

Өсвөр насны хүүхдүүдэд ирээдүйд эзэмших мэргэжлээ зөв сонгохтой холбоотой мэдээлэл өгөх, ахлах ангийн сурагчдад эрсдэлээс урьдчилан сэргийлэх, өрсөлдөх чадварыг нэмэгдүүлэх, мэргэжил сонголтод арга зүйн дэмжлэг үзүүлэх зорилготой “Ирээдүйн эзэд” мэргэжил сонголтын аян 3 дахь жилдээ зохион байгууллагдаж байна.дэлгэрэнгүй . .

ХҮҮХДИЙН ТУСЛАМЖИЙН 108 УТАСНЫ ҮЙЛЧИЛГЭЭНИЙ ТӨВИЙН ЗӨВЛӨГЧ НИЙГМИЙН АЖИЛТАН СЭТГЭЛ ЗҮЙЧДИЙГ ЧАДАВХЖУУЛАХ СУРГАЛТ БОЛЛОО

2019-04-23 08:10:47

Гэр бүл, хүүхэд, залуучуудын хөгжлийн газар, Дэлхийн Зөн ОУ-ын байгууллагатай хамтран “Хүүхдийн тусламжийн 108 утасны үйлчилгээний төв”-ийн зөвлөгч сэтгэл зүйч, нийгмийн ажилтнуудыг чадавхжуулах сургалт зохион байгууллаа.дэлгэрэнгүй . .

МОНГОЛ ХҮҮХДҮҮД: "ТОГТВОРТОЙ ХӨГЖЛИЙН ЗОРИЛГО-2030" АНХДУГААР ХЭЛЭЛЦҮҮЛЭГ БОЛЛОО

2019-04-03 08:40:55

“Тогтвортой хөгжил - 2030 хөтөлбөр”-ийг анх 2012 онд Рио Де Жанейро хотод улс орнуудын төрийн тэргүүнүүд оролцсон НҮБ-ын “Тогтвортой хөгжил” бага хурлын үеэр санаачилсан. 2015 онд НҮБ-ын Ерөнхий Асамблейн 70 дугаар чуулганаар Тогтвортой хөгжлийн зорилтын 17 зорилго, 169 зорилтыг баталж, 2016 оны 1 сарын 1-нээс “Тогтвортой хөгжлийн зорилго” албан ёсоор дэлхий нийтээр хэрэгжиж эхэлсэн.

дэлгэрэнгүй . .

АМЬД ХАРИЛЦААГ ЭРХЭМЛЭЕ

2019-03-28 08:47:01

Бид өнөөдөр сошиал хэрэглээндээ, тэр дундаа өсвөр насны хүүхдүүдийнхээ хэрэглээнд анхаарал хандуулж, хяналт тавьж чадахгүй байна.дэлгэрэнгүй . .

Хуудас:  1   2   3   4   5  .... (нийт 300 мэдээ )

Санал асуулга