Видео мэдээ

    Цаг үеийн мэдээ

  • Хүүхдийг цахим орчинд зүй зохисгүй мэдээллээс хамгаалахад бүх нийтийн оролцоо чухал

    Хөдөлмөр, нийгмийн хамгааллын яам, НҮБ-ын Хүүхдийн Сан хамтран “Цахим орчин дахь хүүхдийн эсрэг бэлгийн хүчирхийлэл, мөлжлөгөөс урьдчилан сэргийлэх, арга хэмжээ авах нь” сэдэвт хэлэлцүүлгийг 2018 оны 09-р сарын 19-ны өдөр зохион байгууллаа. Хэлэлцүүлэгт НҮБ-ын Хүүдийн Сангийн Монгол дахь Суурин төлөөлөгч Алекс Хайкенс, УИХ-ын Цахим бодлогын түр хороо, Хөдөлмөр, нийгмийн хамгааллын дэд сайд С.Мөнгөнчимэг, ИБУИНВУ-аас Монгол Улсад суугаа Элчин сайд Филип Малон, Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын дэд дарга Б.Халиун, Харилцаа холбооны Зохицуулах хорооны дэд дарга Д.Сэрээдорж нар оролцсон.

    Дэлгэрэнгүй

    2018-09-20 02:46:56

  • “ШИДЭТ ТОЛЬ” ТӨВӨӨР ДАМЖУУЛАН 18 ГЭР БҮЛД СЭТГЭЛЗҮЙН ҮЙЛЧИЛГЭЭ ҮЗҮҮЛНЭ

    Засгийн Газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас энэ онд гэр бүлд чиглэсэн хөгжлийн үйлчилгээний шинэ нэр төрлийг тодорхойлох, үйлчилгээний арга зүйг боловсруулах, төрийн үйлчилгээнд нэвтрүүлэхээр “Гэр бүлийг дэмжих туршилтын хөтөлбөр”-ийг хэрэгжүүлж эхэлсэн. Уг хөтөлбөрийн хүрээнд нийслэлийн төвийн 6 дүүргийн зорилтод бүлгийн 1620 өрхөөс гэр бүлд хийсэн нөхцөл байдлын үнэлгээний дагуу сэтгэл зүйн үйлчилгээ авах нэн шаардлагатай 18 гэр бүлд харилцааны эерэг хэлбэрүүдийг төлөвшүүлэх, гэр бүлийн гишүүдийн сэтгэл зүйн хямрал, гутралыг багасгах, сөрөг зан үйлээ эерэгээр удирдах дадал эзэмшүүлэх үйлчилгээг Гэр бүл, хүүхэд, залуучуудын газрын 1 давхарт байрлах “Шидэт толь” төвөөр дамжуулан 1 сарын хугацаанд үзүүлнэ. Сэтгэл зүйн үйлчилгээг  сэтгэл засалч Т.Түвшинжаргал, сэтгэл зүйч Ж.Үйлст нар үзүүлэх юм.

    Дэлгэрэнгүй

    2018-09-12 07:43:22

  • Олон Улсын Хүүхдийн Найрамдал цогцолборыг “Алтан гадас” одонгоор шагналаа

    Олон Улсын Найрамдал цогцолборын түүхт 40 жилийн ой тохиож байна. Хан хэнтийн нурууны салбар Баянголынн аманд хүүхэд багачуудыг идэвхтэй амруулж, сувилах өвөл зуны ажиллагаатай ОУ-ын Пионерийн зуслангийн иж бүрэн барилга байгууламжийг барихаар БНМАУ-ын Сайд нарын Зөвлөлийн 1974 оны 11 дүгээр сарын 22-ны өдрийн 464 тогтоол гарчээ. Тус цогцолбор нь байгуулагдсан цагаасаа өнөөг хүртэл улс үндэстний хүүхэд, өсвөр үеийнхний амралт, чөлөөт цагийн хөгжлийн хөтөлбөрийг зохион байгуулах үйл ажиллагааг тогтмол зохион байгуулж байна.

    Тулгар төрийн 2227, Их Монгол Улсын 812, Үндэсний эрх чөлөө, тусгаар тогтнолоо сэргээн мандуулсны 107, Ардын хувьсгалын 97 жилийн ой, олон улсын хүүхдийн “Найрамдал” цогцолборын 40 жилийн ойг тус тус тохиолдуулан Монгол Улсын Ерөнхийлөгч Х.Баттулга өнөөдөр 104-р зарлиг гаргаж, олон улсын хүүхдийн “Найрамдал” цогцолборыг Төрийн дээд шагнал Алтан гадас одонгоор шагналаа.

    Монгол Улсын Ерөнхийлөгчийн зарлигт “…Монголын залуу хойч үеийг сурган хүмүүжүүлэх, зөв иргэн болгон төлөвшүүлэх үйлсэд оруулсан тус байгууллагын үе үеийн ажилтан, албан хаагч, багш сурган хүмүүжүүлэгчдийн хичээл зүтгэлийг өндрөөр үнэлж олон улсын хүүхдийн “Найрамдал” цогцолборыг Төрийн дээд шагнал Алтан гадас одонгоор шагнасугай” гэжээ.

     

    Дэлгэрэнгүй

    2018-07-18 08:53:13

  • ГБХЗХГ болон Хүүхдийн төв сувилал хамтран ажиллах санамж бичиг байгууллаа

    Хүүхдийн тусламжийн 108 утасны үйлчилгээний төв, Хүүхэд хамгааллын хариу үйлчилгээ түр хамгаалах байранд хүргэгдэн ирсэн эрсдэлт нөхцөлд буй бага насны хүүхдийн эрхийг хамгаалж, эрүүл мэндийн нөхөн сэргээх, холбон зуучлах, гэр бүлд нь эргэн нэгтгэх ажлыг системтэй, үр дүнтэй зохион байгуулах зорилгоор Гэр бүл, хүүхэд, залуучуудын хөгжлийн газар, Хүүхдийн төв сувилал хамтран ажиллах санамж бичиг зурлаа. Санамж бичигт Гэр бүл, хүүхэд, залуучуудын хөгжлийн газрын дарга О.Алтансүх, Хүүхдийн төв сувилалын захирал Д.Оюунцэцэг нар гарын үсэг зурлаа.

    Дэлгэрэнгүй

    2018-07-05 07:14:19

  • Хүүхдийн эрхийн улсын байцаагч болон МХЕГ-ын хөдөлмөрийн улсын байцаагч нарт хүүхдийн хөдөлмөрийн асуудлаар сургалт зохион байгууллаа

    “Хүүхдийн хөдөлмөр ба албадан хөдөлмөр эрхлэлт” хүүхдийн эрхийн улсын байцаагч болон хөдөлмөрийн улсын байцаагч нарт зориулсан сургалтыг Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар Олон Улсын Хөдөлмөрийн байгууллага, Мэргэжлийн хяналтын ерөнхий газар хамтран зохион байгууллаа.

    Дэлгэрэнгүй

    2018-07-04 07:32:22

Санал асуулга