БҮТЭЦ, ЗОХИОН БАЙГУУЛАЛТ

 БАЙГУУЛЛАГЫН ТОВЧ ТҮҮХ

1925 он: Монголын хүүхэд, залуучуудын байгууллагын эхлэл нь 1925 онд “Хойчийг залгамжлагч багачуудын холбоо” нэртэйгээр анх байгуулагдсан түүхтэй. Энэхүү холбоо нь шинэ үеийн зохиолч Д.Нацагдоржоор удирдуулж, “Бүхий л олон багачууд” дууг эгшиглүүлэн Монголын мянга мянган хүүхэд залуучуудын зүрх сэтгэлийг нэгэн зүгт хандуулж эх орны бүтээн байгуулалтын он жилүүдэд түүхэн үүрэг гүйцэтгэсэн нэгэн үеийг бэлтгэсэн юм.

1925-1940 он: Монголын пионерийн байгууллагын төв товчоо

1940-1949 он: МХЗЭ-ийн төв хорооны сургууль-пионерийн байгууллагын төв зөвлөл

1991 он: Монголын Хүүхдийн төлөө Үндэсний газар

2016 он: Гэр бүл, хүүхэд, залуучуудын хөгжлийн газар

Монгол Улсын Их хурлын 2016 оны 12 дугаар тогтоол, Засгийн газрын 4 дүгээр тогтоолоор Хүүхдийн төлөө Үндэсний газрыг Гэр бүл, хүүхэд, залуучуудын хөгжлийн газар болгон шинэчлэн зохион байгууллаа.

Хөдөлмөр, Нийгмийн Хамгааллын сайдын 2016 оны Б/42 тушаалаар үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг баталсан бөгөөд Тамгын газар, Гэр бүл, хөгжлийн газар, Хүүхэд хөгжил хамгааллын газар, Залуучуудын хөгжлийн газар, Хяналт, шинжилгээ, үнэлгээний газар нийт 35 албан хаагчтай байхаар зохион байгуулав.