Мэндчилгээ

  Монгол Улсын ирээдүй хойч болсон хүүхэд, залуучууд нийгмийн амьдралын зохион байгуулалтын анхдагч нэгж болох гэр бүлийн эрхэм гишүүд, иргэд Та бүхэнтэйгээ байгууллагынхаа цахим хуудсаар дамжуулан мэндчилж байна.

   Монгол Улсын нийт хүн амын 33 хувийг 0-18 насны хүүхэд, гуравны нэгийг 18-35 насны залуус, 800.0 мянга гаруй гэр бүл эзэлж байгаа статистик мэдээлэл байна. Хуучнаар Хүүхдийн төлөө үндэсний газар нь хүүхдийн хөгжил, хамгааллын чиглэлээр ажиллах төрийн чиг үүргийг гүйцэтгэж байсан бол 2016 оноос хойш Засгийн газраас Гэр бүл, хүүхэд, залуучуудын хөгжлийн газар болгон өөрчлөн байгуулагдаж Монгол Улсын хүн амын бүхий л хэсэгт хүрч үйлчлэх өргөн чиг үүрэгтэйгээр Таны гэр бүл, амьдралын эргэн тойронд өсч торнин буй хүүхэд багачууд, цэцэглэн дэлбээлж буй залууст, эцэг эхчүүд, иргэдэд чиглэсэн төрийн бодлогыг хэрэгжүүлэх нэр хүндтэй, хариуцлагатай үүргийг Манай хамт олон гүйцэтгэн ажиллаж байна.

   Анх удаа төрөөс гэр бүл, залуучуудын асуудлыг бодлогын түвшинд оруулж ирсэн онцгой цаг үед бид бүхэн нийгмийн хөгжлийн үндэс суурь болох тулгын гурван чулуу шиг гэр бүл, хүүхэд, залуучуудын чиглэлээр төрөөс гаргасан хууль тогтоомж, үндэсний хөтөлбөр, бодлого шийдвэрийг үр дүнтэй хэрэгжүүлэх, сайжруулах, хууль эрх зүйн болон тогтолцооны хувьд илүү боловсронгуй болгож ажиллахад онцгой анхаарч байна.

  Манай байгууллага нь гэр бүл, хүүхэд, залуучуудын хөгжил, хамгааллын чиглэлээр үндэсний хэмжээнд аймаг, нийслэлд газар, хэлтэс, харьяа “Өнөр бүл” хүүхдийн төв, Олон улсын хүүхдийн “Найрамдал” цогцолбор, Хүүхдийн тусламжийн 108 утасны  үйлчилгээний төв, Хүүхэд хамгааллын хариу үйлчилгээ, Түр хамгаалах байр, Сургалт, судалгаа, мэдээллийн төв гэсэн бүтэцтэйгээр салбарын хэмжээнд 1004 албан хаагчтайгаар бодлогын хэрэгжилтийг ханган ажиллаж байна.

  Бид төрийн бодлого хэрэгжүүлэхдээ хуулиар хүлээсэн чиг үүргээ хэрэгжүүлж иргэд олон нийт, эцэг эхчүүд, хүүхэд залуучуудад хэрэгцээ шаардлагатай аливаа асуудлыг хамтран шийдвэрлэх, хэрэгжүүлж ажиллах чиглэлээр олон улсын байгууллага, иргэн, аж ахуйн нэгж байгууллага, салбар дундын хамтын ажиллагааг зохицуулах, хамтран ажиллах чиглэлээр хариуцлагатай ажиллаж ирсэн.

  Гэр бүл, хүүхэд, залуучуудын чиглэлээр төрийн чиг үүргийг хэрэгжүүлэхдээ олон нийтийг соён гэгээрүүлэх, аливаа хүчирхийлэл, эрсдэлд нөхцөлд өртөхөөс урьдчилан сэргийлэх, нийгмийг эрүүл аюулгүй амьдрах, иргэдэд шаардлагатай мэдлэг мэдээлэл хүргэх, нийгмийг сайн сайхан, зөв зүйлд уриалах, сайн туршлага, үлгэр дууриаллыг алдаршуулан түгээхэд Та бүхний өмнө манай үүд хаалга үргэлж нээлттэй байх болно.

  Хүүхдийн оюун санааны өв тэгш эрүүл байдал, нийгэмшихүйн асуудалд анхаарч эцэг эх, өв тэгш гэр бүлээс өсч өндийсөн хүүхдүүд маргаашийн хүсэл тэмүүлэлтэй, хариуцлагатай, бүтээлч, хүнлэг, ёс зүйтэй, зөв дадал хэвшилтэй, үндэсний өв соёл, уламжлалаа дээдлэн өвлөсөн Монгол хүн болгох чиглэлээр ажиллана.

  Энэ зорилгод хүрэхийн тулд олон улсын чиг хандлага, туршлагаас судалж, дэлхийд давтагдахгүй Монгол ахуйтайгаа уялдуулан хэрэгжүүлэхэд эрхэм зочин таны ч оролцоо бий.

 Иймд хүн бүр, хариуцлагатай иргэн бүрийн тус, дэм оролцоогоор  гэрэл гэгээтэй нийгмийн аз жаргалтай хүүхэд багачууд, эрч хүчтэй залуус, тогтвортой гэр бүлийг бий болгож чадна гэдэгтээ итгэлтэй байна.

САЙН ҮЙЛС БҮХЭН ДЭЛГЭРЭХ БОЛТУГАЙ.

  ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ

ГЭР БҮЛ, ХҮҮХЭД, ЗАЛУУЧУУДЫН ХӨГЖЛИЙН ГАЗРЫН ДАРГА М.ЭНХ-АМАР

 

 

 

 

Хүүхдийн хөгжил, хамгааллын газар

ГБХЗХГ НОСК-тай хамтран асрамжийн газраас амьдралд хөл тавьж буй залуучуудыг орон сууцтай болгох санамж бичигт гарын үсэг зурлаа2020-07-30 13:55Дэлгэрэнгүй унших
ГБХЗХГ-ын дарга “Эх орон надаас эхэлнэ” сэдэвт уралдаанд хүүхэд, багачуудыг идэвхитэй оролцуулах чиглэлийг өглөө2020-07-28 22:10Дэлгэрэнгүй унших
ГБХЗХГ:Үндэсний их баяр наадмын хурдан морь унаач хүүхдийн аюулгүй байдлыг бүрэн хангаж ажиллав2020-07-23 17:22Дэлгэрэнгүй унших
Ламхай хүүхдүүд өнөөдөр гэртээ харьлаа2020-07-17 18:01Дэлгэрэнгүй унших
Хүй 7 худагт хурдан морины салбар комисс хуралдаж уралдааныг 14.00 цаг хүртэл хойшлууллаа2020-07-10 10:47Дэлгэрэнгүй унших
КОРОНАВИРУСТ ХАЛДВАР (КОВИД-19)-ЫН ЦАР ТАХЛЫН ҮЕД ХҮҮХДИЙН ЗУСЛАН АЖИЛЛУУЛАХ ТҮР ЖУРАМ БАТЛАГДЛАА2020-07-08 14:05Дэлгэрэнгүй унших
ЧАТБОКС ҮЙЛЧИЛГЭЭНД 258 ХҮҮХЭД ХОЛБОГДОЖ НИЙГЭМ СЭТГЭЛЗҮЙН БОЛОН ХҮҮХЭД ХАМГААЛЛЫН ҮЙЛЧИЛГЭЭ АВЧЭЭ2020-07-08 11:23Дэлгэрэнгүй унших
ҮНДЭСНИЙ МОРИН УРАЛДААНЫ УРАЛДААНЧ ХҮҮХДИЙН ХАМГААЛАЛТЫН ХУВЦАС, МОРИНЫ ХЭРЭГСЭЛД ТАВИГДАХ ШААРДЛАГА MNS 6264 20182020-07-07 12:12Дэлгэрэнгүй унших
ҮНДЭСНИЙ ИХ БАЯР НААДМЫН ХУРДАН МОРИНЫ УРАЛДААНЧ ХҮҮХДИЙН БҮРТГЭЛ ЯВАГДАЖ БАЙНА2020-07-07 11:21Дэлгэрэнгүй унших
Б.Халиун: Гарааны хяналт, морины үүлдэрлэг байдлыг шалгах, шүдлэх үед хүүхэд амны хаалт зүүнэ2020-07-06 11:50Дэлгэрэнгүй унших